今日同小兄妹睇咗一套非常催淚嘅電影🎬前殘奧金牌得主蘇樺偉故事作真人真事改編，由出生到成為殘奧金牌運動員超級神奇小子既經歷
話說我都已經好耐好耐冇如此感動過..電影開場唔夠15分鐘我已經用咗第一張紙巾..片段一開頭吳君如同盧海鵬都決定要要救BB..做人阿媽無論小朋友係點樣都唔會放棄..
第二個感動位就係吳君如放個仔喺機器上面大喊希望個仔可以起身行路…最後仔仔真係自己起身..所有人都當你唔係普通人.咁你就要做一個唔普通嘅人！
第三個感動位阿偉攬住蘇媽講以前你冇金器.我第時會贏好多金牌返嚟俾你.意思大概係咁樣因為今日實在有太多太多對白都令我好難忘好難可以完整咁樣記住.. 聽到個仔咁生性真係好感動
感動位其實唔止三個.呢套戲好勵志、好催淚、好感人、好激勵..呢個世界充滿奇蹟.每個人都可以有唔普通嘅人生.因為呢個世界充滿神奇嘅事蹟.
行得比人慢都可以跑得比人快！每個人都有屬於自己嘅夢想屬於自己嘅世界.只係差在你搵到屬於自己嘅世界未.往後嘅日子我就要努力協助屋企嘅三兄妹尋找屬於佢哋嘅世界
感謝 “鄰住創本視”邀請.如果唔係睇你哋呢場特別長我諗我都冇機會見到《媽媽的神奇小子》嘅主角吳君如️. 睇完一套戲再見到主角嘅感覺百般滋味在心頭..
呢套戲我覺得好適合任何人去睇！睇完之後一定會腦動大開.話說呢兩年喺香港生存都不容易.睇呢套電影.真係非常冶癒.
💗鄰住創本視
獲勞工及福利局社區投資共享基金資助，讓學生連結社區不同界別，製作既貼地又富意義的節目，建立 社區電視平台 Social TV，並於社交媒體傳播「港式」人情味

鄰住創本視
YouTube Channel：鄰住創本視 www.youtube.com/hksocialtv
#媽媽的神奇小子 #鄰住創本視 #香港電影市集 #Showalker
Search